İtaliya futbolunda növbəti qalmaqal

İtaliya futbolunda növbəti qalmaqal yaşanıb.

Qol.Az-ın xarici KİV-lərə istinadən verdiyi məlumata görə, İtaliya Maliyyə Polisi bu gün səhər 35 klubun mərkəzi ofisinə basqın təşkil edib.

"Ofsayd Əməliyyat"ı adlanan basqın zamanı 35 klub və 64 şəxs istintaqa cəlb olunub. A və B Seriya klubları transfer dönəmlərində saxta hesablarla vergidən yayınmaqda şübhəli bilinir.

Polisin hədəfində yalnız klub rəhbərləri və nümayənləri olmayıb. Diqqət çəkən adlar sırasında "Milan"ın vitse-prezidenti Adriano Qalliani, "Latsio" prezidenti Klaudio Lotito, "Napoli" prezidenti Aurelio de Lorentis, PSJ-nin vitse-prezidenti Jan-Klod Blan, PSJ-nin hücumçusu Ezekiel Lavezzi, FİFA-da qeydiyyatda olan menecer Alessandro Moggi, A Seriyanın sabiq futbolçuları Adrian Mutu, Dieqo Milito və Ernan Krespo da var.