“Qalatasaray” Mustafa Dənizliyə əvəzləyici tapdı
29.02.2016 15:30
"Qalatasaray” rəhbərliyi istefa verəcəyi gözlənilən Mustafa Dənizlinin əvəzinə yeni baş məşqçi axtarışına çıxıb.
Apasport.az saytı Türkiyə mətbuatına istinadən xəbər verir ki, bu postu tutmağa bir nömrəli namizəd Okan Burukdu.
"Sarı-qırmızılılar”ın A planı məhz Burukun komandaya gətirilməsindən ibarətdi. Rəhbərlik 42 yaşlı çalışdırıcı ilə danışıqlara start verib. İstanbul klubu cari mövsümün əvvəlində "Sivasspor”un baş məşqçisi olmuş Burukun nə olursa-olsun, razılığını almaq niyyətindədi.
B planı isə ondan ibarətdi ki, Okan Buruk "yox” cavabı versə, komandaya mövsümün sonuna qədər Klaudio Taffarel başçılıq edəcək.
Qeyd edək ki, Türkiyə Superliqasının XXIII turunda "Qaziantepspor”a 0:2 hesablı məğlubiyyətdən sonra Mustafa Dənizli istefa verəcəyinə işarə edib. Onun bu gün postundan rəsmən uzaqlaşacağı gözlənilir.
www.ann.az
Instagram
Bizi Instagramda izləyin
Oxşar xəbərlər
Oxşar xəbərlər
İdman 18:39
FIFA U-15 Dünya Çempionatında iştirak edəcək Azərbaycan millisinin açıq məşqi keçiriləcək
Foto
Video
