"Qalatasaray"ın yeni baş məşqçisi açıqlandı

Hollandiyalı mütəxəssis mövsümün sonunadək bu vəzifəni icra edəcək

Türkiyənin "Qalatasaray" futbol komandasının yeni baş məşqçisi açıqlanıb. "Report"un klubun rəsmi saytına istinadən verdiyi məlumata görə, bu, Yan Olde Rikerinkdir.

İdarə Heyətinin qərarına əsasən, hollandiyalı mütəxəssis mövsümün sonunadək "sarı-qırmızılar"a rəhbərlik edəcək. 53 yaşlı baş məşqçinin ilk sınağı martın 20-də Super Liqanın XXVI turu çərçivəsində "Fənərbağça"ya qarşı olacaq.

Qeyd edək ki, Yan Olde Rikerink bu təyinatadək "Qalatasaray"ın aşağı yaş qrupları üzrə mütəxəssis kimi çalışıb.