"Karyeramı "Lester Siti"də başa vurmaq istəyirəm"

"Lester Siti"nin baş məşqçisi Klaudio Ranyeri gələcək karyerası haqda danışıb.

Qol.az-ın "Football İtalia"ya istinadən verdiyi məlumata görə, italiyalı mütəxəssis karyerasını ingilis klubunda başa vurmaq istədiyini bildirib:

"Lester Siti"də məni hər şey qane edir. Ona görə də başqa kluba keçmək haqda düşünmürəm. Ümid edirəm ki, rəhbərlik mənə 5-6 illik müqavilə təklif edəcək və belədə karyeramı elə burada başa vuracam".

Qeyd edək ki, "Lester Siti" İngiltərə Premyer Liqasında geridə qalan 30 turdan sonra 63 xalla turnir cədvəlinə başçılıq edir.