AVRO-2017: Azərbaycan millisi Rusiya ilə qarşılaşacaq

 

Apasport.az saytının məlumatına görə, Azərbaycan millisi Rusiya ilə qarşılaşacaq.

 

Bu, millimiz üçün yeni ildə ilk qarşılaşma olacaq. Qrupdakı 8-ci matçına çıxacaq millimiz üçün evdə əldə etdiyi 3:0 hesablı qələbənin təsadüf olmadığını sübut etmək şansı var. Ancaq bu, çox çətin olacaq. Bakıdakı gözlənilməz darmadağının əvəzini çıxmaq üçün "alışıb-yanan” şimal qonşularımızı üstəlik meydana yeni baş məşqçi çıxaracaq. Məhz Azərbaycanla oyundan sonra vəzifəsinə son verilən Dmitri Xomuxanı əvəzləyən Nikolay Pisarev sələfini unutdurmaq üçün əla imkan əldə edib.Seçmə mərhələdə, VII qrupda hamıdan çox 7 matç oynamış millimizim aktivində 6 xal var ki, səfərdə qazanılan mümkün qələbə ilə bir pillə önümüzdə qərarlaşmış Finlandiyaya çata bilərik.

 

Qeyd edək ki, qrupumuzda keçiriləcək digər oyunda Almaniya və Farer adaları milliləri üz-üzə gələcək.

 

 

21 yaşadək futbolçular arasında AVRO-2017-nin seçmə mərhələsi

VII qrup

24 mart

 

20:30. Rusiya - Azərbaycan

 

Baş hakim: Tomaş Musial

Rostov. "Olimp-2” stadionu