Avropa Qran Prisinə media akkreditasiyasına müraciət müddəti uzadıldı

İndiyədək əksəriyyəti televiziya, qəzet və onlayn mediadan olmaqla ümumilikdə 100-ə yaxın jurnalist yarışa akkreditasiya üçün əməliyyat şirkətinə müraciət edib. Bakı Şəhər Halqası Əməliyyat Şirkəti bir daha bütün yerli jurnalistlərə, o cümlədən ölkədə radio sahəsində fəaliyyət göstərən media nümayəndələrinə müraciət edərək bu möhtəşəm yarışı işıqlandırmaq fürsətini qaçırmamaq üçün onları tezliklə akkreditasiyaya qeydiyatdan keçməyə dəvət edir. Jurnalistlər əməliyyat şirkətinin rəsmi saytına daxil olaraq onlayn qaydada akkreditasiyaya müraciət edə və ya ehtiyac olarsa əməliyyat şirkətinin mərkəzi ofisinə yaxınlaşa bilərlər. Bunun üçün jurnalistlər (012) 404 13 83 nömrəsinə zəng edərək BŞH-nın Media Əməliyyatları üzrə nümayəndələri ilə əvvəlcədən görüş vaxtı təyin etməlidirlər. Burada müraciətçilərə akkreditasiya ilə bağlı detallı məlumat veriləcək və həmçinin lazımi texniki dəstək göstərilərək onların qeydiyyatdan uğurla keçməsi təmin olunacaq.

Qeyd edək ki, yerli media nümayəndələrinin Avropa Qran Prisinə akkreditasiyası üçün qeydiyyat prosesi aprelin 5-i saat 17:00-da başa çatacaq və bu vaxtdan sonra edilən müraciətlər qəbul edilməyəcək.