Ceyms Vardi “Lester”in sirrindən danışdı

Hazırda İngiltərə Premyer Liqasının şəriksiz lideri olan və çempionluğa doğru gedən "Lester Siti”nin futbolçusu Ceyms Vardi komandasının uğurlu çıxışlarının səbəbindən danışıb.

Qol.az-ın məlumatına görə, yerli mətbuata açıqlama verən 29 yaşlı hücumçu əsasən psixoloji amilləri vurğulayıb:

"Komanda olaraq heç vaxt əhval-ruhuyyəmizi aşağı salmırıq. Ən çətin oyunlarda belə üzümüzdə gülüş yaradaraq, özümüzə müsbət enerji veririk.  Komanda yoldaşlarımla məşqlərdə zarafatlaşaraq üzərimizdəki təzyiqi yox edirik.  Məsələn,  isinmə hərəkətləri zamanı Robert Hut yerindən sürət yığanda ona heç kim çata bilmir. Biz də onu alqışlayırıq. İşlərimiz düzgün getməyəndə də, bir-birimizlə zarafat edirik.  Bütün bunları bizə Kladio Ranyeri öyrədib”.

Ötən  mövsüm çətinliklə Premyer Liqada qalan "Lester Siti” bu mövsüm artıq indidən Çempionlar Liqasına vəsiqəni təmin edib. Premyer Liqanın bombardirlərindən olan Vardi bu haqda da danışıb: "Belə bir turnirdə iştirak edəcəyimiz üçün çox xoşbəxtik. Bu, bizim üçün böyük uğurdur. İnanıram ki, Çempionlar Liqasında da yaxşı nəticələr əldə edəcəyik. Çünki bütün mövqelərdə oynayan futbolçularımız hər zaman bir-birinə dəstək olur. Belə olan halda isə uğur qaçılmazdır. Qapıçımız Kasper Şmeyxeli də unutmaq olmaz. O, bizim üçün çox iş görür. Demək olar ki, oyun boyu  öz mövqelərində diqqətli olmaları üçün futbolçularımıza qışqırır”.