Avropa Liqasında yarımfinalçılar müəyyənləşdi

Bu gün Avropa Liqasında 1/4 finalın cavab oyunları keçirilib.

Qol.az-ın məlumatına görə, baş tutacaq 4 qarşılaşmadan sonra yarımfinalçıların adı bəlli olub.

Günün ən maraqla gözlənilən oyunu Liverpulda keçirilib. Şəhərin eyniadlı komandası Dortmund "Borussiya”sını qəbul edib. İlk oyunda 1:1 hesablı bərabərliyin qeydə alınması cavab matçına marağı bir qədər də artırırdı. Matçın gedişində 1:3 hesabı ilə geri düşən "Liverpul" 3 qol vurmaqla görüşdən qalib ayrılıb - 4:3. Bu hesab Yurgen Kloppun "Liverpul"unu yarımfinala yüksəldib.

Digər oyunlarda "Sevilya” "Atletik”i sınağa çəkib. Öz meydanında rəqibinə 1:2 hesabı ilə uduzan Bilbao təmsilçisi səfərdə həmin məğlubiyyətin əvəzini çıxıb. Hər iki görüşdə 1:2 hesabı qeydə alındığından əlavə vaxta ehtiyac duyulub ki, burada da qapılara qol vurulmayıb. Penaltilər seriyasında daha dəqiq oynayan "Sevilya" yarımfinala yüksəlib - 5:4.

"Sparta” (Praqa) evdə "Vilyareal”a 2:4 hesabı ilə uduzaraq mübarizəni dayandırıb. "Şaxtyor” isə evdə "Braqa”ya 4:0 hesabı ilə qalib gələrək yarımfinala yüksəlib.

Qeyd edək ki, bu oyunlardan sonra Avropa Liqasının yarımfinalçıları müəyyənləşib. Beləliklə, finala gedən yolda "Şaxtyor" (Ukrayna), "Sevilya" (İspaniya), "Liverpul" (İngiltərə) və "Vilyareal" (İspaniya) klubları mübarizə aparacaq.

 
 

14 aprel

Avropa Liqası, 1/4 finalın cavab oyunları

23:05. "Liverpul" (İngiltərə) - "Borussiya" (Dortmund, Almaniya) - 4:3
Qollar: Mxitaryan, 5 (0:1), Obemaynq, 9 (0:2), Orici, 48 (1:2), Roys, 57 (1:3), Koutinyo, 66 (2:3), Sako, 78 (3:3), Lovren, 90+1 (4:3)
Liverpul. "Enfild" stadionu
İlk oyun: 1:1

23:05. "Sevilya" (İspaniya) - "Atletik" (Bilbao, İspaniya) - 1:2 (Penaltilər seriyası - 5:4)
"Sevilya": + + + + +
"Atletik": + + + -  +
Qollar: Aduriz, 57 (0:1), Qameyro, 59 (1:1), Qarsiya, 80 (1:2)
Sevilya. "Ramon Sançes Pisxuan" stadionu
İlk oyun: 2:1

23:05. "Sparta" (Praqa) - "Vilyarreal" (İspaniya) - 2:4
Qollar: Bakambu, 5 (0:1), Kastilleyo, 43 (0:2), Bruno, 45+1 (0:3), Bakambu, 49 (0:4), Doçkal, 65 (1:4), Krejçi, 71 (2:4)
Praqa. "Letna" stadionu
İlk oyun: 1:2

23:05. "Şaxtyor" (Ukrayna) - "Braqa" (Portuqaliya) - 4:0
Qollar: Srna, 25-pen (1:0), Fereyra, 43-avtoqol (2:0), Kovalenko, 50 (3:0), Fereyra, 74-avtoqol (4:0)
Lvov. "Lvov Arena"
İlk oyun: 2:1
www.ann.az