Klopp: "Şeytanlar kimi döyüşdük"

"İlk 10 dəqiqədə 0:2 hesabı ilə geri düşdükdən sonra bütün planlarım alt-üst oldu. Oyuna yaxşı başlamadıq. Problemlər olduğunu ilk 4 dəqiqədə gördüm və bunun da nəticəsində qapımızdan qol buraxdıq. Bir şeylər etməyə çalışarkən rəqib ikinci qolu vurdu".

Qol.az-ın Britaniya mətbuatına istinadən yaydığı xəbərə görə, bu sözləri "Liverpul"un baş məşqçisi Yurgen Klopp Avropa Liqasının 1/4 finalında Dortmund "Borussiya"sına 4:3 hesabı ilə qalib gəldikləri matçdan sonra deyib.

O, fasilədə oyunçularında 2005-ci ildə İstanbulda oynanılan Çemoionlar Liqasının final görüşünü xatırlatdığını bildirib:

"Bir futbolsevər olaraq 2005-də keçirilən matçı izləmişdim. Fasilə olan zaman "Liverpul"un 0:3 hesabı ilə uduzduqları oyunda geridönüş edəcəklərini düşünməmişdim. Futbolçularıma həmin matçı xatırlatdım. Onların da bunu bacara biləcəyini söylədim. Oyunçuların əsl güclərini göstərdilər və dediyimi etdilər. Unudulmaz gecə oldu. Şeytanlar kimi döyüşdük. Növbəti mərhələyə yüksəlməyə layiq idik".