Şahmat üzrə yığmamız tarix yazdı
19.04.2016 12:26
Yunanıstanın paytaxtı Afina şəhərində aprelin 13-18-də keçirilən 12-ci Avropa çempionatında (12th European Chess Solving Championship) Azərbaycan şahmat üzrə yığması tarix yazıb.
Oxu.Az-a daxil olan məlumata görə, 16 komanda arasında olan mübarizədə Araz Alməmmədov (Qəbələ), Misrətdin İskəndərov (Sumqayıt), Rəşad Zeynallı, Bəhruz Rzayevdən (hər ikisi Bakı) ibarət olan yığmamız 206 xalla gümüş medal qazanıb.
Avropa çempionu adını 214,5 xalla Serbiya, bürünc medalı isə yığmamızdan 0,75 xal geri qalan, dəfələrlə Dünya və Avropa çempionları olan Polşa yığması 205,25 xalla nail olub.
Rəşad Zeynallı Avropa çempionatında gənclər arasında 1-ci yeri tutaraq Avropa çempionu, Bəhruz Rzayev isə gümüş medalı qazanıb.
Xatırladım ki, komandamız 2014-cü ildə daha bir tarix yazaraq İsveçrənin paytaxtı Bern şəhərində Dünya çempionatında gümüş medal əldə edib.
www.ann.az
Telegram
Bizi Teleqramda izləyin
Oxşar xəbərlər
Oxşar xəbərlər
İdman 18:39
FIFA U-15 Dünya Çempionatında iştirak edəcək Azərbaycan millisinin açıq məşqi keçiriləcək
Foto
Video
