Zinəddin Zidan: "Şanslar bərabərdir"

"Məqsədimiz qol vurmq və qələbə qazanmaqdır. Burada əlimizdən gələnin ən yaxşısını edəcəyik. "Mançester Siti" bizə çətinlik yaradacaq, amma biz buna hazırıq. Hər iki komandanın finala çıxmaq şansları bərabərdir".

Qol.az-ın İspaniya mətbuatına istinadən yaydığı xəbərə görə, bu sözləri "Real"ın baş məşqçisi Zinəddin Zidan Çempionlar Liqasının yarımfinalında "Mançester Siti" ilə ilk oyun öncəsi deyib.

O, güclü rəqibə qarşı oynayacaqlarını bildirib:

"Rəqib üçün boşluqlar yaratsaq, cəzalandırıla bilərik. Kevin de Bruyneni zərərsizləşdirməyə çalışacağıq. Onun güclü futbolçu olduğunu bilirik. Bu komandada necə bir oyunçu olduğu sübut etdi.Aquero ilə birgə yaxşı oyun nümayiş etdirir. Ona qarşı əlimizdən gələnin ən yaxşısını edəcəyik".

Z.Zidan  Kriştiano Ronaldo və Kərim Benzemanın durumunun yaxşı olduğunu və hər iki futbolçunun sözügedən matçda oynayacağını bildirib.