Kosovo Futbol Federasiyası UEFA-ya üzv qəbul olunub

Bu barədə UEFA Konqresində qərar qəbul edilib

Kosovo Futbol Federasiyası UEFA üzvlüyünə daxil olub. "Report"un məlumatına görə, bu qərar Macarıstanın paytaxtı Budepeştdə keçirilən UEFA Konqresindəki səsvermənin yekunlarına əsasən verilib. 

Kosovonın üzvlüyü lehinə 28, əleyhinə 24 səs verilib. 2 bülleten isə etibarsız sayılıb. Bununla da UEFA-ya üzv ölkələrin sayı 55-ə çatıb. 

İndi Kosovo Futbol Federasiyası FİFA üzvlüyünə qəbul olunması üçün ərizə verə və 2018-ci il dünya çempionatının seçmə qrup mərhələsində iştirak edə bilər.