"Bakı-2016"nın bombardiri

Portuqaliyalılar finalda İspaniyadan üstün olub. Qarşılaşmada qalib müəyyənləşməyib (1:1) və çempionun adına penalti seriyasında aydınlıq gəlib. Bu zaman daha dəqiq oynayan Portuqaliya qələbə qazanıb - 5:4.



Turnirin bombardiri Portuqaliya millisindən Joze Qomes olub - 7 qol. Millimizlə qrup mərhələsindəki oyunda dubl edən futbolçu qrupda Şotlandiyanı və yarımfinalda Hollandiyanı bir, 1/4 finalda Avstriyanı 3 dəfə məyus edib.
Bakıda Avropa çempionatının qalibi müəyyənləşdi


Portuqaliya Avropa çempionatının final mərhələsində 2002-ci ildən çıxış edir və bu müddətdə qızılla yanaşı, bürünc medalı (2004) da hesabına yazıb. İspaniya isə ikiqat Avropa çempionu (2007, 2008), üçqat finalçı (2003, 2004, 2010) və bir dəfə bürünc mükafatçı (2006) olub.
Final
Portuqaliya - İspaniya - 1:1
Qol: Dieqo Dalot, 27 - Brahim Diaz, 32

Penaltilər seriyası: 5:4

Hakimlər: Petr Ardeleanu (Çexiya), Balaj Buzaş (Macarıstan), Ceyhun Sesigüzel (Türkiyə), Qunnar Yarl Yonsson (İslandiya)
8-ci km qəsəbə stadionu




www.ann.az