Ronaldo məşqi yarımçıq tərk etdi

Çempionlar Liqasının finalında əzəli rəqibi "Atletiko" ilə qarşılaşaq "Real" bu oyunun hazırlıqlarını davam etdirir.  

Qol.az-ın "Marca" qəzetinə istinadən verdiyi mətbuata görə, Madrid təmsilçisinin hücumçusu Kriştiano Ronaldo komandanın bugünkü məşqini yarımçıq tərk edib.

Buna portuqaliyalı futbolçunun zədələnməsi səbəb olub. Qapıçı Kasilya və müdafiəçi Karvahalla mübarizə zamanı yerdə qalan Ronaldo qısa müddət sonra özünə gəlsə də, hazırlığa davam edə bilməyib. Məşqi yarımçıq tərk edən 31 yaşlı futbolçunun zədəsinin nə dərəcədə ciddi olduğu məlum deyil və onun finalda oynayıb-oynamayacağı ilə bağlı hər hansı açıqlama verilməyib.

Qeyd edək ki, "Real" və "Atletiko" arasında final oyunu mayın 28-də, İtaliyanın Milan şəhərində keçiriləcək.