İspanlardan 25 milyonluq transfer
31.05.2016 10:00
Çempionlar Liqasının finalında uduzan "Atletiko" transfer çalışmalarına başlayıb.
ANS PRESS-in məlumatına görə, Madridlilərin transfer siyahısında ilk yeri Lorenzo İnsigne tutur.
Baş məşqçi Dieqo Simeonenin israrla istədiyi italyan futbolçu üçün madridlilərin ilk təklifini "Napoli" qəbul etməyib. "Atletiko" bu transfer üçün 30 milyon avro təklif edib, qarşı tərəf isə bu məbləğlə razılaşmayıb. "Transfermarkt" Lorenzo İnsigneyə 25 milyon avro qiymət qoyub. 25 yaşlı futbolçu başa çatan mövsümdə 42 rəsmi oyuna çıxıb və 13 qol vurub.
"Napoli"dən rədd cavabı alan "Atletiko" digər variantlara keçib. İddialara görə, Madrid klubu artıq Nikolas Qaytanın transferi üçün "Benfika" ilə danışıqlara başlayıb. Tərəflərin transferi 25 milyon avroya razılaşdırdığı deyilir. "Benfika" argentinalı yarımmüdafiəçini 2010-cu ildə "Boka Xuniros"dan 8,4 milyon avroya alıb. Hazırda "Transfermarkt" ona 30 milyon avro qiymət qoyub. Cari mövsümdə 37 rəsmi oyuna çıxan Qaytan 11 qol vurub.
www.ann.az
Instagram
Bizi Instagramda izləyin
Oxşar xəbərlər
Oxşar xəbərlər
İdman 18:39
FIFA U-15 Dünya Çempionatında iştirak edəcək Azərbaycan millisinin açıq məşqi keçiriləcək
Foto
Video
