AFFA "Qarabağ" və "Neftçi"ni legionerlərinə görə cərimələdi
31.05.2016 15:36
AFFA-nın İntizam Komitəsi "Qarabağ" və "Neftçi" klublarını cəzalandırıb. ANN.Az-ın AFFA-nın rəsmi saytına istinadən verdiyi məlumata görə, mövsümün son cəzaları iki komanda arasındakı Azərbaycan Kubokunun final matçında baş verənlərlə bağlı tətbiq edilib.
Oyunun 120-ci dəqiqəsində "Neftçi"nin paraqvaylı yarımmüdafiəçisi Erik Ramos, bir dəqiqə sonra isə "Qarabağ"ın braziliyalı hücumçusu Reynaldo Silva kobud oyuna görə birbaşa qırmızı vərəqə alaraq meydançadan kənarlaşdırılıb. Hər iki futbolçu 2 oyunluq cəzalanıb, klublar isə hərəyə 2000 manat ziyana düşüb.
Matçın 120-ci dəqiqəsində "Qarabağ"ın azarkeşləri tərəfindən pirotexniki vasitələrdən istifadə edildiyinə görə klub 1000 manat cərimə olunub.
Qeyd edək ki, final görüşündə "Qarabağ" 119-cu dəqiqədə Migel Maderanın qolu sayəsində 1:0 hesablı qələbə qazanaraq Azərbaycan Kubokuna sahib çıxıb.
www.ann.az
Twitter
Bizi Twitterdə izləyin
Oxşar xəbərlər
Oxşar xəbərlər
İdman 18:39
FIFA U-15 Dünya Çempionatında iştirak edəcək Azərbaycan millisinin açıq məşqi keçiriləcək
Foto
Video
