UEFA Xorvatiya millisinə qarşı iş açdı

Qol.az-ın xarici KİV-lərə istinadən verdiyi məlumata görə, buna xorvatiyalı azarkeşlərin "Avro-2016"da Çexiya ilə görüşdəki qaydalara zidd hərəkətləri səbəb olub.

Matçın 86-cı dəqiqəsində xorvat azarkeşlər meydana pirotexniki vasitələr atıblar. Bundan sonra görüşün ingiltərəli baş hakimi Mark Klattenburq oyunu bir müddət dayandırmalı olub. 

Daha sonra tribunada xorvatiyalı azarkeşlər arasında dava düşüb. Lakin Fransa jandarmasının müdaxiləsindən sonra ara sakitləşib və oyun bərpa olunub. 

Qeyd edək ki, Çexiya - Xorvatiya oyunu 2:2 hesabı ilə başa çatıb.