Konte: “İrlandiya layiq olduğundan artığını qazandı”

"İrlandiya millisini təbrik edirəm. Layiq olduqlarından artığını qazandılar. Qələbə üçün oyuna canlarını qoydular. Üstünlüyü ələ adlığımız vaxt qapımızda qol gördük”.

Qol.az-ın məlumatına görə, bu sözləri İtaliya millisinin baş məşqçisi Antonio Konte "Avro-2016”nın E qrupunda İrlandiyaya məğlub olduqları oyundan (0:1) sonra keçirdiyi mətbuat konfransında deyib.

"Matçın ədalətli nəticəsi heç-heçə olardı. Qrupdan çıxdığımız üçün heyətdə dəyişiklik etmişdim. Bu, komandadakı çatışmazlıqları görməyimiz baxımından yaxşı oldu” – deyə Konte bildirib.

O, 1/8 finalda İspaniya ilə qarşılaşacaqları oyun haqda da danışıb: "İlk hədəfimiz qrupdan çıxmaq idi. İndi favoritlərdən biri ilə qarşılaşacağıq. İrlandiyaya uduzmasaydıq, daha asan yolla finala doğru getmək şansımız olardı. İspaniyanı keçsək də, qarşımıza Almaniya və Fransa kimi rəqiblərlər çıxa bilər. Çətin olacaq”.