Fransa, Almaniya və Belçika 1/4 finalda

Qol.az-ın məlumatına görə, bu gün daha üç qarşılaşma keçirilir.

Günün ilk oyununda meydan sahibi Fransa millisi İrlandiyanı sınağa çəkib. Matçın 2-ci dəqiqəsində hesabda geri düşən fransızlar fasilədən sonra iki qol vurmaqla görüşdən qalib ayrılıb - 2:1. 

Digər görüşdə yarışın favoritlərindən sayılan Almaniya millisi Slovakiya ilə qarşılaşıb. Oyun gözlənildiyi kimi almanların qələbəsi ilə başa çatıb - 3:0. Yoahim Lövün komandası 1/4 finala yüksəlib. 

Günün son oyununda isə Macarıstan və Belçika milliləri üz-üzə gəlib. Bu görüşdə rəqibinə 4 cavabsız qolla qalib gələn Belçika 1/4 finala vəsiqəni təmin edib.

26 iyun 

1/8 final 

23:00. Macarıstan - Belçika - 0:4

Qollar: Alderveyreld, 10 (0:1), Miçu Batşuayi, 78 (0:2), Eden Azar, 80 (0:3), Yannik Karrasko, 90+1 (0:4)

Baş hakim: Milorad Majiç

Yan xətt hakimləri: Milovan Ristiç, Dalibor Curceviç

Əlavə köməkçi-hakimlər: Danilo Qruyiç, Nenad Cokiç (hamısı Serbiya)

Dördüncü hakim: Yonas Eriksson

Tuluza, şəhər stadionu 

20:00. Almaniya - Slovakiya - 3:0 

Qol: Boatenq, 8, Qomez, 43, Draksler, 63

Baş hakim: Şimon Martsinyak

Yan xətt hakimləri: Pavel Sokolnitski, Tomaş Litskeviç

Əlavə köməkçi-hakimlər: Pavel Raçkovski, Tomaş Musyal (hamısı Polşa)

Dördüncü hakim: Byörn Kuypers

Lill, "Pyer Moro" stadionu

17:00. Fransa - İrlandiya - 2:1

Qollar: Robert Bredi, 2-pen (0:1), Antuan Qrizman, 58 (1:1), 61 (2:1)

Qırmızı vərəqə: Şeyn Daffi, 66 (İrlandiya)

Baş hakim: Nikola Ritsoli

Yan xətt hakimləri: Elenito Di Liberatore, Mauro Tonolini

Əlavə köməkçi-hakimlər: Daniele Orsato, Antonio Damato (hamısı İtaliya)

Dördüncü hakim: Aleksey Kulbakov

Lion, şəhər stadionu