"Avro-2016"da növbəti sensasiya

Qol.az-ın məlumatına görə, keçirilən iki oyunla 1/4 finalın bütün iştirakçıları müəyyənləşib.

Günün maraqla gözlənilən görüşü İtaliya və İspaniya komandaları arasında keçirilib. Türkiyəli referi Cüneyt Çakırın idarə etdiyi oyun italyanların qələbəsi ilə yekunlaşıb. Rəqibinə 2:0 hesabı ilə qalib gələn İtaliya 1/4 finala adlayıb. Son Avropa çempionu olan İspaniya yığması isə turnirlə vidalaşıb.

1/8 final mərhələsinin son oyununda da sürpriz nəticə qeydə alınıb. İngiltərə və İslandiya yığmaları münasibətlərinə aydınlıq gətirib. Bu mərhələyə qədər inamla irəliləyən İslandiya millisi güclü rəqibi üzərində tarixi qələbə qazanaraq (2:1) 1/4 finala adlayıb. Bunula da İslandiya sensasiyalı nəticəyə imza atıb.

27 iyun

"Avro-2016", 1/8 final 

23:00. İngiltərə - İslandiya - 1:2 

Qollar: Ueyn Runi, 4-pen (1:0), Raqnar Siqurdson, 6 (1:1), Kolbein Siqthorsson, 18 (1:2) 

Baş hakim: Damir Skomina 

Yan xətt hakimləri: Yure Praprotnik və Robert Vukan

Əlavə köməkçi-hakimlər: Matej Yuq və Slavko Vinçiç (hamısı Sloveniya)

Dördüncü hakim: Karlos Velasko Karbalyo (İspaniya) 

Nitsa. Nitsa şəhər stadionu.

20:00. İtaliya - İspaniya - 2:0

Qollar: Corcio Kyellini, 33 (1:0), Qraziano Pelle, 90+1 (2:0)

Baş hakim: Cüneyt Çakır

Yan xətt hakimləri: Bahattin Duran, Tarık Ongun

Əlavə köməkçi-hakimlər: Hüseyin Göçek ve Barış Şimşek (hamısı Türkiyə)

Dördüncü hakim: Martin Atkinson (İngiltərə) 

Sent-Denis. "Stad de Frans" stadionu.