Dabo: “Oyunumuz həm də azarkeşlərdən asılıdır”

Qol.az-ın  məlumatına görə, bu sözləri "Qəbələ”nin hücumçusu Baqali Dabo Avropa Liqasının III təsnifat mərhələsinin "Lill”lə cavab oyunu haqda danışarkən deyib.

Fransalı hücumçu ölkəsinin mətbuatına açıqlamasında  bəzi maraqlı məqamlara toxunub:

 

"Qəbələ”dən "İstr”də oynayanda da  təklif almışdım. O vaxt Fransada qalmağı düşündüm. Ancaq baş məşqçi Roman Qriqorçuk məni izləməyə davam etdi və yenidən mənə təklif göndərdilər. Bu dəfə təklifi qəbul etdim. Çünki artıq bunun vaxtı idi. Yeni nəsə axtarmaq istəyirdim. Bu, yaxşı seçim idi. Çünki mən Fransanın II liqasından birbaşa Avropa Liqasına yollandım".

 

Bakı haqda da danışan Dabo müsbət fikirlər səsləndirib: "Bakı mənə Dubayı xatırladır. Şəhər genişlənməkdədir.  ən də "Qəbələ”nin digər  oyunçuları kimi oteldə qalıram. O, Kreteydəki 54 kv.m-lik evimi əvəz edir”.