Blan “Qalatasaray”ı çalışdırmaqdan imtina etdi

PSJ-dən ayrılan Loran Blan "Qalatasaray”dan təklif alıb. 

Qol.az-ın xarici KİV-ə istinadən yaydığı xəbərə görə, təklifi geri çevirən fransız mütəxəssis, Türkiyədə çalışmaq istəmədiyini bildirib. 

Blanın xidmətində Fransanın məşhur "Canal+” kanalı da maraqlıdır. "Canal+” 50 yaşlı mütəxəssisi daimi ekspert qismində görmək istəyir. 

Qeyd edək ki, Blan bir müddət əvvəl PSJ-nin baş məşqçisi vəzifəsindən uzaqlaşdırılıb.