Azərbaycan cüdoçuları reytinq siyahısına başçılıq edir

Oxu.Az xəbər verir ki, Azərbaycan Cüdo Federasiyasının rəsmi internet saytında yerləşdirilmiş məlumata əsasən, Rio Olimpiya Oyunlarında Azərbaycana gümüş medallar qazandıran Rüstəm Orucov (73 kq) və Elmar Qasımov (100 kq) öz çəki dərəcələrində liderliklərini davam etdirirlər. Hər iki cüdoçumuz bütün rəqiblərini qabaqlayaraq reytinq cədvəlində birinci yeri tuturlar.

2016-cı il Avropa çempionatının gümüş mükafatçısı Orxan Səfərov (60 kq) 2-ci pillədə qərarlaşıb. 66 kq çəki dərəcəsində mübarizə aparan cüdoçumuz Nicat Şıxəlizadə daha 2 pillə geriləyərək 12-ci yerdə gedir. Elxan Məmmədov (100 kq), İlqar Müşkiyev (60 kq), Məmmədəli Mehdiyev (90 kq) müvafiq olaraq 7-ci, 14-cü, 20-ci yeri tuturlar.

Ağır çəkili cüdoçumuz Uşangi Kokauri isə reytinq cədvəlinin 18-ci pilləsindədir.