Çempionlar Liqasında VI turun ilk oyunları keçirilib - NƏTİCƏLƏR

Maraqlıdı ki, bu oyunlara qədər yalnız B qrupunda mərhələ adlayan komandalar bəlli deyildi. C qrupunun görüşləri isə konkret formal xarakter daşıyırdı.

 

A qrupunda "Ludoqorets”i qəbul edən PSJ öz meydanında bərabərliyə razılaşaraq, qrupdan ikinci olaraq çıxıb. "Bazel" isə doğma meydanda "Arsenal"a uduzaraq Avroliqaya vəsiqə verən 3-cü pilləni də əldən verib. "Ludoqorets”in Parisdə aldığı 1 xal onlara kömək olub.

 

B qrupunda son tur öncəsi 3 komanda – "Benfika”, "Napoli” və "Beşiktaş”ın şansları olsa da, istanbullular üçün ÇL faciə ilə başa çatdı. Belə ki, Şenol Günəşin komandası heç bir iddiası olmayan "Dinamo"ya Kiyevdə 0:6 hesabı ilə uduzaraq üçüncü pilləyə yuvarlanıb. "Napoli" isə səfərdə "Benfika"nı məğlub edərək liderliyi əldə edib.

 

C qrupunda "Barselona” lider, "Mançester Siti” isə ikinci yerin sahibi kimi 1/8 finala vəsiqəni rəsmiləşdirmişdisə, Möhnenqladbax "Borussiya”sının da Avropa Liqasında iştirak edəcəyi dəqiq idi. Bu üzdən son turun qarşılaşmalarının heç bir önəmi yox idi. Bununla belə Kataloniyadakı matç kifayət qədər maraqlı alınıb. 4:0 qələbədə Arda Turan het-triklə diqqət çəkib.

 

D qrupunda da "Bavariya” - "Atletiko” matçı formal xarakter daşıyırdı. Hətta birincilərin qələbəsi də lideri dəyişmədi. Digər oyunda isə "Rostov" PSV ilə səfərdə qolsuz bərabərliyə razılaşaraq qrupu 3-cü pillədə başa vurdu.

 

Çempionlar Liqası

Qrup mərhələsi, VI tur

 

6 dekabr

 

A qrupu

"Bazel” (İsveçrə) – "Arsenal” (İngiltərə) - 1:4

Qollar: Dumbia, 78 - Perez, 8, 16, 47, İvobi, 54

Baş hakim: Manuel de Souza (Portuqaliya)

 

PSJ (Fransa) – "Ludoqorets” (Bolqarıstan) - 2:2

Qollar: Kavani, 61, Di Mariya, 90+2 - Mijican, 15, Vanderson, 69

Baş hakim: Tasos Sidiropulos (Yunanıstan)

 

B qrupu

"Benfika” (Portuqaliya) – "Napoli” (İtaliya) - 1:2

Qollar: Ximenez, 87 - Kaleyxon, 60, Mertens, 79

Baş hakim: Antonio Mateu Lahoz (İspaniya)

 

"Dinamo” (Kiyev, Ukrayna) – "Beşiktaş” (Türkiyə) - 6:0

Qırmızı vərəqələr: Bek, 29, Abubakar, 56 ("Beşiktaş")

Qollar: Besedin, 9, Yarmolenko, 31 (pen.), Buyalski, 33, Qonzales, 45+3, Sidorçuk, 60, Moraeş, 77

Baş hakim: Kreyq Tomson (Şotlandiya)

 

C qrupu

"Barselona” (İspaniya) – "Borussiya” (Mönhenqladbax, Almaniya) - 4:0

Qollar: Messi, 16, Arda, 50, 53, 67

Baş hakim: Sergey Karasyov (Rusiya)

 

"Mançester Siti” (İngiltərə) – "Seltik” (Şotlandiya) - 1:1

Qollar: İhenaço, 8 - Roberts, 4

Baş hakim: Slavko Vinçiç (Sloveniya)

 

 

D qrupu

"Bavariya” (Almaniya) – "Atletiko” (İspaniya) - 1:0

Qol: Levandovski, 28

Baş hakim: Klemen Turpin (Fransa)

 

PSV (Hollandiya) – "Rostov” (Rusiya) - 0:0

Baş hakim: Dəniz Aytəkin (Almaniya)