Bakıda birinci şahmat turniri başladı – FOTO

ANN.Az Oxu.Az-a istinadən xəbər verir ki, şahmat festivalının proqramında bir neçə turnir yer alır – rapid, blits, uşaq (10 yaşa qədər), beynəlxalq reytinqin nəzərə alınması ilə açıq turnir və beynəlxalq qrossmeyster norması ilə baş turnir.

Turnirlərdə beş ölkənin (Rusiya, Fransa, Gürcüstan, İran və Azərbaycan) idmançıları iştirak edir.

 

 

Ümumiyyətlə, turnirlərdə müxtəlif səviyyəli 200 şahmatçı iştirak edəcək.  

Komanda blits-turnirində Azərbaycan şahmatının bir nömrəli idmançısı – Şəhriyar Məmmədyarov da iştirak edib. Doğrudur, onun tərəfdaşı – gənc şahmatçı Talıbov Üzeyir öz yoldaşını yetərincə dəstəkləyə bilməyib və onların komandası 22 komanda arasında 6-cı olub. Ən yaxşı isə 11 xal toplayan Sankt-Peterburq komandası olub. Qrossmeysterlər Denis Yevseyev və İrina Sudakova Bakıdan xatirə diplomu və pul mükafatını aparacaqlar. 

İsveçrə sistemi üzrə uşaq turnirində 7 turda 34 gənc şahmatçı yarışır. 

 

 

Açıq turnirdə 62 idmançı oynayır. "Caspian Guest House” hotelində beynəlxalq qrossmeyster və ya usta adı uğrunda mübarizə aparılan baş turnirdə, hər birində 3 şahmatçının olduğu 4 komanda yarışır. Ekspertlər komandasında təcrübəli qrossmeysterlər (Rusiyadan Denis Yevseyev, Gürcüstandan Benidze David və Bakıdan Ülvi Bacarani) imtahançı qismində iştirak edirlər. "Balion”, "Caspian” və "Young Stars” komandalarının idmançıları isə imtahanı uğurla verib, öz ad və reytinqlərini yüksəltməyə ümid edirlər.