7 sərbəst güləşçimiz ilk onluqda - REYTİNQ

Azərbaycan Güləş Federasiyasından Trend-ə verilən məlumata görə, sərbəst güləşçilərimizdən 15 nəfəri Dünya Güləş Birliyinin reytinq siyahısında yer alıb. Onlardan 7-si öz çəki dərəcələrində ilk onluğa daxil ola bilib.

Rio Yay Olimpiya Oyunlarının gümüş medalçıları Toğrul Əsgərov (65 kq) və Xetaq Qazyumov (97 kq) reytinqdə 2-ci sırada qərarlaşıb. Olimpiadanın bürünc medalçıları Hacı Əliyev (61 kq), Cəbrayıl Həsənov (74 kq) və Şərif Şərifov (86 kq) reytinq siyahısında 3-cüdür.

Qeyri-olimpiya çəki dərəcəsində dünya çempionatının bürünc medalçısı Əhmədnəbi Qvarzatilov (61 kq) da reytinqə 3-cü sıradan daxil olub.

Onluğa daxil daha bir güləşçimiz isə Cəmaləddin Məhəmmədov (125 kq) olub.

3. Hacı Əliyev - Olimpiya Oyunları 3-cü yer (3)

13. Georgi Edişeraşvili - Qızıl Qran Pri 1-ci yer (nr)

16. Mircəlal Həsənzadə - Almaniya Qran Pri turniri 2-ci yer (13)

3. Əhmədnəbi Qvarzatilov - Dünya çempionatı 3-cü yer (nr)

2. Toğrul Əsgərov - Olimpiya Oyunları 2-ci yer (2)

14. Məhəmməd Müslümov - Əli Əliyev turniri 1-ci yer (16)

20. Teymur Məmmədov - Əli Əliyev turniri 2-ci yer (18)

14. Gitinomaqomed Hacıyev - Qızıl Qran Pri 2-ci yer (nr)

15. Hacımurad Ömərov - U-23 Avropa çempionatı 2-ci yer (8)

3. Cəbrayıl Həsənov - Olimpiya Oyunları 3-cü yer (4)

3. Şərif Şərifov - Olimpiya Oyunları 3-cü yer (3)

11. Nurməhəmməd Hacıyev - Almaniya Qran Pri turniri 1-ci yer (10)

14. Aleksandr Qostiyev - Avropa çempionatı 2-ci yer (13)

2. Xetaq Qazyumov - Olimpiya Oyunları 2-ci yer (2)

10. Cəmaləddin Məhəmmədov - Almaniya Qran Pri turniri 1-ci yer (11)

Qeyd edək ki, idmançıların adları qarşısında onların iştirak etdikləri son yarışlarda əldə etdiyi ən yüksək nəticə, mötərizədə isə bundan əvvəlki reytinq siyahısında tutduqları yer göstərilib.