Salah Misir yığmasını tərk edir - Qalmaqal

Axar.az xəbər verir ki, bu barədə məlumatı "Eqipt Tudey” saytı yayıb. Sayt qalmaqala səbəbin Misir yığmasının Dünya Çempionatına hazırlığı olduğunu bildirib. Belə ki, Salah federasiya rəhbərliyi ilə yığmanın çempionata hazırlığını yaxşı təşkil etməmələri ucbatından dalaşıb.

Misir mətbuatı Salahın bu insidentə görə Səudiyyə Ərəbistanı ilə oyuna çıxmayacağını bildirib. Onun hətta Rusiyanı vaxtından əvvəl tərk edəcəyi də vurğulanıb.

Qeyd edək ki, Misir yığması bu il Dünya Çempionatında qarşılaşdığı hər iki rəqibinə uduzub. Komanda səkkizdə bir finala çıxmaq şansını tamamilə itirib.