"Trabzonspor"un prezidenti: "Ramil Şeydayevlə yollarımızı ayıra bilərik"

Türkiyənin "Trabzonspor" klubu Azərbaycan milli komandasının futbolçusu Ramil Şeydayevlə yollarını ayıra bilər.

"Report"un məlumatına görə, bu barədə klub prezidenti Ahmet Ağaoğlu açıqlama verib. O, hazırda Matuş Bero və Şeydayevin başqa komandaya keçidi ilə əlaqədar danışıqlar apardıqlarını bildirib. Ağaoğlunun fikrincə, bu transferlər gerçəkləşsə, klub öz büdcəsinə 8 - 8,5 milyon avro qənaət edəcək. Onların xərclərini qarşılaya biləcək pulu bizə ödəsələr, hər iki futbolçu ilə yollarımızı ayıra bilərik. Amma yenə deyirəm, xərclərini ödəyəcəkləri təqdirdə".

"Trabzonspor" daha əvvəl Uğur Demirok, Yan Duritsa, Dame N Doye, Tomaş Huboçan və Okay Yokuşlu ilə vidalaşaraq, ildə 35 milyon TL qənaət edib.

Qeyd edək ki, Ramil Şeydayevin Avstriya "Mattersburq"una keçəcəyi gözlənilir.