Rusiya Kapellonun maaşını ödəyə bilmir

Rusiya Futbol Federasiyası Fabio Kapellonun 7 milyon funt-sterlinq məbləğində maaşını ödəyə bilmədiklərini açıqlayıb.

ANN.Az xəbər verir ki, məsələ ilə bağlı federasiya rəsmisi Sergey Stepaşin açıqlama verib. O, Kapellonun maaşını ödəyə biləcək qədər pullarının olmadığını deyib: "Əlbəttə, bu doğru hərəkət deyil. Lakin müqaviləni imzalayarkən bunun nəyə səbəb olacağını düşünmək lazım idi. İndi bu maaşı ödəyəcək qaynaq tapmağımız lazımdır".

Baş məşqçilər arasında ən çox maaş alanlardan biri Kapello hesab olunur. Bu ilin yanvar ayında müqaviləsini yeniləyən iyaliyan məşqçi Rusiyanın ev sahibliyini edəcəyi 2018 Dünya Çempionatına qədər komandanın başında olacaq.ANN.Az