"Qarabağ" səfərdə "İnter"ə uduzdu

Təmsilçimizin rəqibi Milan "İnter"i olub. "Cüzeppe Meatsa" stadionunda keçirilən matçınr taleyini iki qol həll edib və "İnter" 2:0 hesablı qələbə qazanıb. Hesabı 18-ci dəqiqədə Danilo Dambrosio açıb. 85-ci dəqiqədə isə Mauro İkardi fərqlənib.

Qeyd edək ki, Avropanın tanınmış klublarından olan "İnter" 1908-ci ildə yaradılıb. 106 yaşlı klub tarixi ərzinhdə A Seriyasının (18 dəfə), ölkə kubokunun (7), İtaliya Superkubokunun (5), Çempionlar Liqasının (3), UEFA Kubokunun (3), klublararası dünya çempionatının (3) qalibi olub.

"Qarabağ"ın yer aldığı F qrupunda bu gecə daha bir oyun keçirilib və "Sent-Etyen" "Dnepr"lə "sülh" bağlayıb - 0:0. Fransa klubu ilk turda Bakıda "Qarabağ"la da 0:0 hesablı heç-heçəyə razılaşmışdı. "İnter" isə səfərdə "Dnepr"i 1:0 hesabı ilə məğlub etmişdi.