"Çelsi"də böyük Türk layihəsi

Dünyaca məşhur idmançı və klublarla sponsorluq müqavilələri imzalayan Türkiyənin məşhur "Türkiyə Hava Yolları" şirkəti daha bir nəhəng futbol klubuyla müqavilə imzalamağa hazırlaşır. 

ANN.Az-ın verdiyi xəbərə görə, İngiltərənin məşhur "Daily Mail" qəzeti yazıb ki, bu yaxınlarda "Zadəganlar"la "Samsung" şirkəri arasındakı müqavilə bitəcək, "Türk Hava Yolları" böyük ehtimalla London klubunun yeni sponsoru olacaq. 

Avropanın 4-cü ən böyük hava Yolları şirkəti olan "THY" əvvəllər "Mançester Yunayted", "Borussiya Dortmund", "Barselona" kimi klublarla, o cümlədən Lionel Messi və Kobi Brayant kimi ulduz idmançılarla sponsorlu müqavilələri imzalayıb. 

Qeyd edək ki, "Samsung" 2005-ci ildən bəri "Çelsi"nin əsas sponsoru idi. 

ANN.Az