“Qarabağ” tarixi sınaq qarşısında

Bu gün Çempionlar Liqasının III təsnifat mərhələsinə yekun vurulacaq.Qol.Az-ın məlumatına görə, türnirdə yeganə təmsilçimiz “Qarabağ”da bu gün meydana çıxacaq.Qurban Qurbanovun komandası səfərdə Avstriyanın “Zalsburq” klubu ilə üz-üzə gələcək.  Doğma meydanda rəqibinə 2:1 hesabı ilə qalib gələn Ağdam klubu səfərə böyük ümidlərlə yollanıb. Komandamız güclü “Zalsburq”la oyunda uğurlu nəticə qazanmaqla play-off mərhələsinə yüksələ bilər. Bu, baş verərsə,  Qurban Qurbanovun komandası Azərbaycan futbolu tarixinə düşəcək. Çünki indiyədək klublarımızdan heç biri Çempionlar Liqasının play-off mərhələsinə yüksələ bilməyib. “Qarabağ”ın bu işin öhdəsindən necə gələcəyi böyük maraqla gözlənilir.   Qarşılaşma Bakı vaxtı ilə saat 23:30-da start götürəcək.6 avqustÇempionlar Liqası, III təsnifat mərhələsinin cavab oyunları23:30. “Zalsburq” (Avstriya) – “Qarabağ” (Azərbaycan) (İlk oyun – 1:2)Baş hakim: Bobbi Madden (Şotlandiya) ANN.Az