"Atletiko"nun 14 yaşlı azarkeşi çempionluğu qeyd edərkən öldü

İspaniya çempionluğunu qeyd etdikləri vaxt "Atletiko"nun 14 yaşlı azarkeşi ölüb.

"Report"un məlumatına görə, Madridin mərkəzinə doğru hərəkət edən qoşqunun pəncərələrindən öz dostları ilə birgə içəri girməyə cəhd edən yeniyetmə fanat yeraltı parkinq qurğusuna çırpılıb. Bunadək sürücü bir neçə maneə qurğusunu aşırıb.

Hadisə yerinə təcili yardım maşını çatdırılsa da, onun faciəvi ölümünü qeydə alınıb. Yeniyetmənin ürəyi dayanıb. Hadisə ilə əlaqədar araşdırmalara başlanılıb.