Qalmaqallı oyunla bağlı qərarlar açıqlandı

"Qafqazinfo" xəbər verir ki, azarkeşləri meydana girərək rəqib futbolçularına hücum edən "Nitsa"nın aktivindən 2 xal silinib.
Bundan başqa, komanda qarşıdakı 3 ev oyununu neytral meydanda keçirəcək. Yarımçıq qalan matç daha sonra açıqlanacaq tarixdə neytral stadionda yenidən oynanılacaq. Qarşılaşmaya azarkeş buraxılmayacaq.

Xatırladaq ki, "Nitsa" - "Marsel" matçı zamanı yerli azarkeşlər qonaqların yarımmüdafiəçisi Dimitri Payetə butulka atıb. Payet butulkanı tribunaya geri atıb. Bundan qəzəblənən yerli azarkeşlər meydançaya giriblər. Nəticədə oyunçularla azarkeşlər arasında kütləvi dava baş verib. Davada "Marsel"in baş məşqçisi Xorxe Sampaoli də iştirak edib. Görüşün baş hakimi oyunu yarımçıq dayandırıb.

www.anews.az