Konfrans Liqası: "Neftçi" növbəti mərhələyə yüksəlib - YENİLƏNDİ

Laurentsiu Regekampfın baş məşqçi olduğu komanda II təsnifat mərhələsinin cavab oyununda Bakıda Kiprin "Aris" klubu ilə qarşılaşıb.

Səfərdə 0:2 hesabı ilə uduzan "ağ-qaralar" rəqibinə 3 cavabsız qalib gəlib. Qolları 38-ci dəqiqədə Qodsvey Donyo, 57-ci dəqiqədə Eddi İsrafilov və 62-ci dəqiqədə Kenni Sayef vurub.

83-cü dəqiqədə qonaqların heyətində Morqan Braun ikinci sarı vərəqəni alaraq meydandan qovulub.

Beləliklə, "Neftçi" Konfrans Liqasında III təsnifat mərhələsinə yüksəlib. Azərbaycan təmsilçisi növbəti raundda "Rapid" (Vyana, Avstriya) - "Lexiya" (Qdansk, Polşa) cütünün qalibi ilə üz-üzə gələcək.

"Neftçi" növbəti dəfə qonaqları mərkəzə dəvət edib.

62-ci dəqiqədə Kenni Sayef fərqlənib. "Ağ-qaralar"ın əvvəlki qollarını 38-ci dəqiqədə Qodsvey Donyo, 57-ci dəqiqə isə Eddi İsrafilov öz aktivinə yazdırıb. "Neftçi" Kiprdəki görüşdə rəqibinə 0:2 hesabı uduzub.

 

*******
Bakıda "Neftçi" və Kiprin "Aris" komandaları arasında keçirilən UEFA Konfrans Liqasının II təsnifat mərhələsinin cavab oyununda ikinci hissə başlayıb.

Birinci yarıdan sonra "ağ-qaralar" hesabda öndədir - 1:0. Yeganə qolu 38-ci dəqiqədə Qodsvey Donyo vurub.

*****

"Neftçi" fasiləyə 38-ci dəqiqədə Qodsvey Donyonun vurduğu yeganə qol sayəsində üstün yollanıb.
****

38-ci dəqiqədə "Neftçi"nin hücumçusu Qodsvey Donyo fərqlənib.

 "Bakcell Arena"dakı görüş saat 21:00-da start götürüb.

Qarşılaşmanı Bastian Dankertin başçılıq etdiyi almaniyalı hakimlər idarə edir.