"Qarabağ" "Viktoriya"ya 2-1 uduzdu və Çempionlar Liqasından çıxdı

"Rəqibi təbrik edirəm və onlara qrupda uğurlar arzulayıram. Məğlubiyyətə baxmayaraq, futbolçularımı təbrik edirəm. Biz bura çətin matçlardan sonra gəlmişik. Bizim üçün pley-offdakı dördüncü rəqibdi. Bizim üçün bütün raundlar bu axarda keçdi. Bəli, qalib gəlmək istəyirdik və çox üzüldük, amma məğlubiyyət oyunun bir hissəsidir. Biz irəliyə baxmalıyıq”, - Qurbanov bildirib.

Sizə elə gəlmirmi ki, Şahruddin Maqomedəliyev və Abdellah Zubirin göstərdiyi oyun rəqabətin olmamasının nəticəsidir? sualına cavabında isə baş məşqçi deyib ki, məğlubiyyətdə heç kimi günahlandırmırıq.

"Bəli, oyunların sıx qrafikini nəzərə alaraq, komandada rəqabət aparmağa çalışırıq. Bizi bu səviyyəyə çatdırmaq üçün hər ikisi çox səy göstərdi. Futbol səhvlər üzərində qurulub. Elə oyunlar olurdu ki, hamı Şahruddinin adını hayqırırdı. Bir oyunçunun vacib oyunda səhv etməsi və ən çox danışılan oyunçu olması normaldır. Onun oyunundan razı qaldım, belə matçlarda onun təcrübəsi bizim üçün vacibdir. Bizim başqa qapıçılarımız da var. Biz də onları hazırlayırıq. Məğlubiyyətdə heç kimi günahlandırmırıq. Elə oyunçular var ki, onlarla danışıqlar aparırıq", -  o deyib. .