Xorvatiya yarımfinala çıxıb - YENİLƏNİB+FOTOLAR
09.12.2022 21:43
Xorvatiya penaltilər seriyasında Braziliyanı 4:2 hesabı ilə məğlub edərək yarımfinala adlayıb.
2022-ci il futbol üzrə dünya çempionatının 1/4 final mərhələsində Braziliya və Xorvatiya yığmaları arasında keçirilən oyun başa çatıb. Əl-Rayyandakı "Şəhər stadionu”nda keçirilən görüş penaltilər seriyasından sonra xorvatların qələbəsi ilə yekunlaşıb.
Əsas vaxtda komandalar hesab aça bilməyib. Braziliya yığmasının hücumçusu Neymar matçın əlavə vaxtında ilk qolu vurub. Artıq ikinci əlavə hissənin sonunda xorvatiyalı Bruno Petkoviç hesabı bərabərləşdirib və görüşü penaltilər seriyasına çevirib.
Xorvatiyalı futbolçular uu gün Bakı vaxtı ilə saat 23:00-da keçiriləcək Argentina - Hollandiya matçının qalibi ilə qarşılaşacaq.
Digər 1/4 finalda Mərakeş Portuqaliya, Fransa isə İngiltərə yığması ilə qarşılaşacaq.
Qətərdə keçirilən dünya çempionatı noyabrın 20-də başlayıb və dekabrın 18-dək davam edəcək.
N.Təbrizli
22.50
________
Xorvatiya və Braziliya yığmaları arasında 1/4 final oyununda 2-ci qol vurulub.
Matçın 117-ci dəqiqəsində Xorvatiya millisinin üzvü Bruno Petkoviç hesabı bərabərləşdirib.
_______
Xorvatiya və Braziliya yığmaları arasında 1/4 final oyununda hesab açılıb.
Modern.az xəbər verir ki, 105+1-ci dəqiqədə Neymar Cənubi Amerika təmsilçisini önə keçirib.
19:05
________
Qətərdə keçirilən dünya çempionatının 1/4 final mərhələsində Xorvatiya və Braziliya yığmaları arasında oyun başlayıb.
Modern.az xəbər verir ki, matç Bakı vaxtı ilə saat 19:00-da start götürüb.
***
17:40
Qətərdə keçirilən dünya çempionatının 1/4 final mərhələsində üz-üzə gələcək Xorvatiya və Braziliya yığmalarının start heyətləri məlum olub.
Modern.az-ın xəbərinə görə, komandalar meydana aşağıdakı heyətlə çıxacaqlar:
Xorvatiya: Livakoviç, Yuranoviç, Lovren, Qvardiol, Sosa, Brozoviç, Kovaçiç, Modriç, Pasaliç, Perisiç, Kramariç
Braziliya: Alisson Bekker, Eder Militao, Tyaqo Silva, Markinyos, Danilo, Kazemiro, Neymar, Lukas Paketa, Rişarlison, Rafinya, Vinisius Junior
Qeyd edək ki, qarşılaşma Bakı vaxtı ilə saat 19:00-da başlayacaq
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
İdman 18:39
FIFA U-15 Dünya Çempionatında iştirak edəcək Azərbaycan millisinin açıq məşqi keçiriləcək
Foto
Video
