Mourinyo: "İbrahimoviç dünyanın ən yaxşısıdır"

"Çelsi" klubunun baş məşqçisi Joze Mourinyo sabiq futbolçusu Zlatan İbrahimoviç haqda xoş sözlər deyib.

Qol.Az-ın məlumatına görə, "Yahoo Sports"a danışan portuqaliyalı mütəxəssis İbrahimoviçi dünyanın ən yaxşısı adlandırıb:

"İbrahimoviçlə "İnter"də bir mövsüm çalışdım. Bu yaxşı təcrübə oldu. Zlatan işlədiyim futbolçular arasında dünyanın yaxşılarından biridir. Onu Braziliyada keçiriləcək dünya çempionatında görmək istərdim. Ancaq təəssüf ki, İsveç yığması mundiala vəsiqə qazana bilmədi. Güclü xarakterli futbolçularla çalışmağın çətin olduğunu söyləyən insanları anlamıram. Mənə qələbə qazanmaq və artırmaq istəməyən futbolçularla çalışmaq çətindir. Əgər qalib gəlirsənsə, deməli öz üzərində işləmisən. İbrahimoviç də belə futbolçulardandır".

Qeyd edək ki, Mourinyo 2009/2010 mövsümündə İbrahimoviçlə birgə "İnter"də çalışıb. 

ANN.Az