Tərlan Əhmədov baş məşqçi oldu - YENİLƏNİB

Tərlan Əhmədov AZAL futbol klubunun baş məşqçisi təyin olunub.Mənbələrdən Trend-ə verilən məlumata görə, klub rəhbərliyi T.Əhmədovun baş məşqçi olmasına razılıq verib və artıq onun komandanı ilk məşqə çıxaracağı gözlənilir.Klubun mətbuat xidmətindən Trend-ə məlumatı təsdiqləyiblər və artıq T.Əhmədovla müqavilə imzalandığını bildiriblər.Qeyd edək ki, martın 15-də AZAL-ın baş məşqçisi Vaqif Sadıqov vəzifəsindən istefa verib. Buna səbəb kimi klubun son vaxtlar Premyer Liqada uğursuz çıxışı etməsi göstərilir.*****Son vaxtlar Premyer Liqada uğursuzluğa imza atan Bakının "AZAL" Peşəkar Futbol Klubunun baş məşqçisi Vaqif Sadıqov vəzifəsindən istefa verib.ANS PRESS-in klubun mətbuat xidmətinə istinadən verdiyi məlumata görə, "AZAL" PFK-nun rəhbərliyi və baş məşqçi dünən görüş keçirib. Görüşdə komandanın son vaxtlar düçar olduğu uğursuzluqlar və əldə olunan mənfi nəticələr müzakirə edilib.Rəhbərlik komandanın mövsümün əvvəllərində qarşıya qoyulan hədəflərdən uzaq düşdüyünü vurğulayıb.Müzakirələr zamanı klub rəhbərliyi ilə baş məşqçi arasında ümumi nəticə əldə olunmayıb. Bu səbəbdən Vaqif Sadıqov baş məşqçi vəzifəsindən istefa verdiyini bəyan edib. "AZAL" PFK-nın baş məşqçisi Vaqif Sadıqov bu qərarını günün sonunda futbolçulara da rəsmən bəyan edib.ANN.Az