"Real" "Bavariya"nın hücumçusunu istəyir

"Real" (Madrid) klubunun mövsümün sonunda transfer etmək istədiyi daha bir futbolçunun adına aydınlıq gəlib.Qol.Az-ın Almaniya mətbuatına istinadən verdiyi məlumata görə, Madrid təmsilçisi "Bavariya"nın hücumçusu Mario Mandzukiçə "elçi" düşüb."Real" rəhbərliyi yaxın günlərdə xorvatiyalı futbolçunun transferi ilə "Bavariya"ya rəsmi təklif göndərəcək. "Borussiya" (Dortmund) klubundan Robert Levandovskini transfer edən Münhen təmsilçisinin Mandzukiçin "Real"a keçidinə razılıq verəcəyi bildirilir.Qeyd edək ki, Mandzukiç 2012-ci ildə "Volfsburq"dan "Bavariya"ya transfer olunub. ANN.Az