Arda Turanı tərifləyib göylərə qaldırdılar

"Unudulmaz bir oyun oldu. Növbəti mərhələyə yüksəldiyimiz üçün çox xoşbəxtəm. "Milan"a şans versəydik, bizə çətinlik yaradacaqlarını bilirdim. Oyuna çox yaxşı başladıq və ilk dəqiqələrdə qol vurduq. Bu isə bizim xeyirimizə oldu".

Qol.Az-ın İspaniya mətbuatına istinadən verdiyi məlumata görə, bu sözləri "Atletiko"nun baş məşqçisi Dieqo Simeone Çempionlar Liqasının 1/8 finalında "Milan"la oyundan (4:1) sonra deyib.

O, Madrid klubunun türk futbolçusu Arda Turan haqda müsbət fikirlər səsləndirib: "A.Turan bizim üçün çox önəmli futbolçudur. Onun bu matçdakı oyununu da çox bəyəndim".

D.Simeone bildirib ki, 1/4 finalda hansı klubla düşmələri onlar üçün önəmli deyil: "İspaniya klubları ilə də qarşılaşa bilərik. Bu, bizim üçün problem yaratmayacaq".

ANN.Az