Ukraynalı qrossmeyster Bakıda keçiriləcək dünya çempionatına buraxılmayıb

"Vasili İvançuk Ukraynanın Lvov şəhərində yaşayır. Mövcud qanunvericiliyə görə, ölkəni idman məqsədilə tərk etmək üçün onun yaşı 60-dan aşağı olduğu üçün (hazırda 54 yaşı var) Gənclər və İdman Nazirliyinin icazəsi lazımdır. Belə bir icazə verilməyib. Dünya çempionatının təşkilatçıları olan Azərbaycan Şahmat Federasiyasının da rəsmi müraciəti rədd edilib",  -  FİDE bildirib.

Bununla bağlı dünyanın bir sıra aparıcı qrossmeysterləri Ukraynanın gənclər və idman naziri Vadim Qutzeytə açıq məktub imzalayıblar.

 

"Biz şahmat ictimaiyyətindən məktubu paylaşaraq bu təklifi dəstəkləmələrini xahiş edirik və ümid edirik ki, daha çox qrossmeyster qrossmeyster İvançuku dəstəkləyəcək”, - FİDE-nin bəyanatında deyilir.

 

Dünyanın bir nömrəli şahmatçısı Maqnus Karlsen də Bakıda keçiriləcək Dünya Kubokunda iştirak edəcəyini təsdiqləyib.

FIDE-nin rəsmi saytında yayılan məlumata əsasən, norveçli qrossmeyster iyulun 29-da start götürəcək yarışın ən reytinqli şahmatçısı olacaq.

Qadınlar arasında FIDE reytinqinin 2-3-cü yerlərində qərarlaşan Hampi Koneru (Hindistan) və Yu Venyun (Çin) da Bakıya gələcəklər.
Ümumilikdə 206 kişi şahmatçıdan 146-nın, qadınlarda isə 103 nəfərdən 71-nin Dünya Kubokunda iştirakı təsdiqlənib.  İyulun 15-30-u aralığında digər namizədlər iştiraklarını təsdiqləməlidirlər.

Yarış iyulun 29-dan avqustun 24-dək təşkil olunacaq. İyulun 29-da turnirin açılış mərasimi, ertəsi gün isə birinci turun görüşlərinin keçirilməsi planlaşdırılır. Dünya Kubokunun mükafat fondu 2,5 milyon dollardır. 

İlk üç yeri tutan qrossmeysterlər İddiaçılar Turnirinə vəsiqə qazanacaqlar.