Yeni idman növü yarandı

Dünya Alpağut Federasiyası - Turan Döyüş sistemləri ( W.A.F- World Alpagut Federation ) beynəlxalq idman təşkilatı rəsmi olaraq qeydiyyatdan keçib.Bunu ANN.Az-a açıqlamasında döyüş sənəti sistemlərinin və təşkilatının yaranmasının ideya müəllifi və qurucusu, tanınmış beynəlxalq dərəcəli idman ustası, türk döyüş sənəti ustası Vasif Namazov deyib. Vasif Namazov  “alpağut” adını,  11-ci yüzillikdə Mahmud Qaşqarlının yazdığı Türk Dialektlərinin Lüğəti  “Divanü Lüğәtit Türk” götürüb. Bu lüğət türkçə bilinən ən qədim lüğətlərdən biridir. “Alpağut” adı "Divani lüğət it-türkdə" bеlə açıqlanır: "Tək başına düşmənə qalib gələn, ələ kеçməyən igid".  Hazırda Vasif Namazov imtahan proqramını, təlim proqramını, hakimlik proqramını, özünümüdafiə ( küçə döyüşü) proqramını  və eyni zamanda yarışma proqramlarını hazırlayır.  Məlumata görə, burada 3 sistemli (A, B, C) yarışma qaydaları olacaq. 1-ci  sistem "Aypara" (Hilal) , 2-ci sistem "Batur" (Cəngavər), 3-cü sistem isə "Caymaz" (Cəsur) adlanır.Türk xalqlarının döyüş sənətlərindən, ortaq idman mədəniyyətindən seçilərək, ortaya qoyulacaq bu döyüş sənətinin ümümi terminalogiya bazasının hazırlanmasında Vasif Namazov  tanınmış tarixçi, dilçi, türkoloqlardan məsləhətlər alır.Seymur ANN.Az