"İnter" Patris Evranı istəyir

"Mançester Yunayted" klubunun müdafiəçisi Patris Evra mövsümün sonunda komandasını dəyişə bilər.Qol.Az-ın "Tuttosport"a istinadən verdiyi məlumata görə, "İnter" klubu fransız futbolçunun xidmətində maraqlıdır.Mövsümün sonunda komandasıyla müqaviləsi başa çatacaq Evranın da İtaliyada A Seriyasında oynamaq istədiyi bildirilir. Dünən "Arsenal" - "Mançester Yunayted" matçında (0:0) Evranı stadiondan canlı izləyən "İnter"in direktoru Pyero Ausilio 32 yaşlı futbolçunun razılığını alıb. "Mançester Yunayted" klubunun razılıq verəcəyi təqdirdə Evra yeni mövsümdən "İnter"in şərəfini qoruyacaq. Lakin Mançester təmsilçisinin təcrübəli futbolçunu komandada saxlayacağı da istisna olunmur.Qeyd edək ki, Evra bu mövsüm keçirdiyi 25 oyunda 1 qol vurub və 3 məhsuldar ötürmə ilə yadda qalıb. ANN.Az