"Qarabağ" - "Ayaks"a məğlub olub - Yenilənib

"Qarabağ” UEFA Avropa Liqasının Liqa mərhələsinin III turunda "Ayaks"a (Niderland) məğlub olub.

Matç qonaq komandanın 3:0 hesablı qələbəsi ilə yekunlaşıb.

"Qarabağ" qarşılaşmaya uğursuz başlayıb.15-ci dəqiqədə Julio Romao birbaşa qırmızı vərəqə alaraq meydandan qovulub. Hesabı  36-cı dəqidədə Kennet Teylor açıb.74-cü dəqiqədə Vaut Veqhorstun penalti zərbəsini dəqiq yerinə yetirməsindən sonra fərqi iki topra çatdırıb. Görüşdə yekun hesabı isə 77-ci dəqiqədə adını tabloya yazdıran Çuba Akpom təyin edib.

2 dəqiqə sonra isə Ağdam klubunun heyətində Elvin Cəfərquliyev ikinci sarı vərəqənin ardından qırmızı vərəqə alıb. Bununla da "Qarabağ” oyunu 9 nəfərlə tamamayıb.

Komanda növbəti oyununu noyabrın 7-də Norveç təmsilçisi "Bodo Qlimt”ə qarşı keçirəcək.

 20:45

UEFA Avropa Liqasının Liqa mərhələsinin III turunun "Qarabağ" - "Ayaks" (Niderland) oyunu start götürüb.

Matçı şotlandiyalı baş hakim Nikolas Uolş idarə edir.

 

 19:54

UEFA Avropa Liqasının Liqa mərhələsinin III turunda baş tutacaq "Qarabağ” – "Ayaks" (Niderland) matçından əvvəl komandaların start heyətləri açıqlanıb.

Komandalar meydana aşağıdakı heyətlə çıxacaqlar:

"Qarabağ": Mateuş Koxalski, Abbas Hüseynov, Bədavi Hüseynov, Kevin Medina, Julio Romao, Marko Yankoviç, Leandro Andrade, Yassin Benzia, Abdullah Zubir, Juninyo.