Mourinyo Fergüssonu geridə qoydu

"Çelsi"nin baş məşqçisi Joze Mourinyo "Mançester Yunayted"in keçmiş çalışdırıcısı Aleks Fergüssonu geridə qoyub.

Qol.Az-ın goal.com-a istinadən verdiyi məlumata görə, dünən Premyer Liqada "MY"nı məğlub edən təcrübəli mütəxəssis ölkə çempionatındakı 142 matçında 100-ci qələbəsini qazanıb. Bununla da o, bu uğuru 162 oyuna əldə edən Fergüssonu qabaqlayıb.

Qeyd edək ki, Mourinyo Premyer liqada ilk qalibiyyətini də "MY" üzərində əldə etmişdi.

Əlavə edək ki, Premyer Liqada indiyə kimi ən çox qələbə qazanan baş məşqçi Aleks Fergüssondur (528 qələbə).

Qol.az