Rusiyalı UFC döyüşçüsü Bakıda ölüm təhdidləri aldığını bildirib

Rusiyalı qarışıq döyüş sənətləri (MMA) idmançısı İrina Alekseyeva iyunun 21-də Bakıda keçirilən UFC turnirində Rusiya bayrağı ilə arenaya çıxdıqdan sonra sosial şəbəkələrdə ölüm təhdidləri aldığını bildirib.

Alekseyeva "Match TV"yə deyib ki, guya ukraynalılar onun ünvanı, telefon nömrəsi və digər şəxsi məlumatlarını onlayn qruplarda yayıblar.

“Mənə ölüm təhdidləri yazırdılar. Yazırdılar ki, skuterə minmə, maşına yaxınlaşma, biz sənin yanındayıq, sayımızı bilmirsən”, –  o bildirib. 

O həmçinin qeyd edib ki, hüquq-mühafizə orqanlarına müraciət etməyib, lakin maşını idarə edən şəxsə görə narahat olub.

Alekseyeva, təhdidlərə baxmayaraq, Azərbaycandakı turnirdə tamaşaçılardan müsbət münasibət gördüyünü deyib.

“Hamı şəkil çəkdirirdi, qucaqlayırdı, dəstək verirdi. Azərbaycan çox qonaqpərvər ölkədir,” – d o bildirib.

N.Təbrizli