"Marakana" stadionu sular altında qaldı

2014-cü il futbol üzrə dünya çempionatına ev sahibliyi edəcək Braziliyanın "Marakana" stadionu sular altında qalıb.

Qol.Az-ın xarici KİV-lərə istinadən verdiyi məlumata görə, 1950-ci ildə inşa edilən və qısa müddət əvvəl yenilənən stadiona güclü yağış yağıb. 

Bunun nəticəsində dünya çempionatının final matçının baş tutacağı  "Marakana" stadionuna maddi ziyan dəyib.

Qeyd edək ki, "DÇ-2014"ün final oyunu iyulun 13-ü keçiriləcək.

Qol.az