“Nyukasl” azarkeşləri Bakıda bardakı “Çelsi” bayrağını klub rəngləri ilə əvəz etdi

Newcastle United klubunun azarkeşləri Çempionlar Liqası çərçivəsində Qarabag FK ilə keçiriləcək oyun ərəfəsində Bakının mərkəzində yerləşən barlardan birində divardan Chelsea FC bayrağını endirərək onun yerinə öz komandalarının bayrağını asıblar.

Hadisə xarici azarkeşlər arasında populyar olan məkanda baş verib. Sosial şəbəkələrdə yayılan görüntülərdə “Nyukasl” fanatlarının klub şüarları səsləndirdiyi və qara-ağ bayraq nümayiş etdirdiyi görünür.

Azarkeşlərin sözlərinə görə, bu addım obyekt sahibinin razılığı ilə atılıb. Heç bir insident və ya əmlaka ziyan barədə məlumat verilməyib.

Oyuna təxminən 2 min britaniyalı azarkeşin gələcəyi gözlənilir. Qarşılaşma Tofiq Bəhramov adına Respublika stadionunda keçiriləcək.

N.Təbrizli