FIFA referisi Fəridə Lütfəliyeva UEFA-dan növbəti təyinat alıb

FIFA referisi Fəridə Lütfəliyeva qadınlar arasında UEFA Çempionlar Liqasının I təsnifat mərhələsinin oyunlarına təyinat alıb. Bu barədə AFFA məlumat yayıb.

Lütfəliyeva iyulun 22-də 5-ci qrupun yarımfinalında Estoniyanın "Flora" və Maltanın "Mqar Yunayted" komandaları arasında keçiriləcək görüşün baş hakimi olacaq. Azərbaycanlı referi Gülnurə Əkbərzadə isə həmin oyunda köməkçi hakim funksiyasını yerinə yetirəcək.

Bundan əlavə, Lütfəliyeva "Flora" – "Mqar Yunayted" qarşılaşmasının qalibinin iyulun 25-də Slovakiyanın "Spartak Miyava" klubuna qarşı keçirəcəyi final matçında ehtiyat hakim kimi fəaliyyət göstərəcək.

Hər iki oyun Slovakiyanın Miyava şəhərində yerləşən "Spartak Miyava" stadionunda keçiriləcək.